یورپی کمیشن کی صدر نے بتایا ہے کہ آبنائے ہرمز کی بندش کی وجہ سے یورپ کو فوسل فیول کی اضافی درآمدات پر 127 ارب یورو کا نقصان اٹھانا پڑا ہے۔
یورپی کمیشن کی صدر ارسولا فون ڈیر لیین نے برسلز سمٹ سے خطاب کرتے ہوئے کہا کہ آبنائے ہرمز کی بندش کے بعد سے فوسل فیول کی درآمدات کے باعث یورپ کو 127 ارب یورو کے اضافی اخراجات کا سامنا کرنا پڑا۔
انہوں نے مزید کہا کہ اس کے بدلے میں توانائی کی ایک بھی اضافی یونٹ حاصل نہیں ہوئی۔ جب ہم تیل اور گیس درآمد کرتے ہیں، تو ہم اس کے ساتھ آنے والے بحرانوں کو بھی درآمد کرنے کا خطرہ مول لیتے ہیں۔
ان کا کہنا تھا کہ صاف توانائی کی طرف منتقلی کا مطلب ایک طرف ہمارے ماحول کا تحفظ ہے، تو دوسری طرف یہ یورپ کی مسابقت اور آزادی سے بھی متعلق ہے۔
