ایرانی عہدیدار کا کہنا ہے کہ ڈونلڈ ٹرمپ امریکی فوجی نقصانات چھپانے کے لیے ایرانی ڈرونز کے بارے میں جھوٹے اعداد و شمار پیش کر رہے ہیں۔
ایران کے سرکاری ٹی وی کے مطابق نائب اسپیکر پارلیمنٹ حمید رضا حاجی بابائی نے امریکی صدر ڈونلڈ ٹرمپ پر الزام لگایا ہے کہ وہ امریکی فوجی نقصانات کو چھپانے کے لیے ایرانی ڈرونز سے متعلق من گھڑت اعداد و شمار پیش کر رہے ہیں۔
انہوں نے کہا کہ دشمن کے جدید آلات کو مار گرانے کے علاوہ ایرانی مسلح افواج نے ان کے کچھ ڈرونز اور بغیر پائلٹ آلات کو بحفاظت قبضے میں بھی لے لیا ہے۔
حمید رضا حاجی بابائی نے یہ دعویٰ بھی کیا کہ ایران نے زیر آب استعمال ہونے والے جدید فوجی آلات بھی ضبط کیے ہیں، جن کا ممکنہ انٹیلی جنس اور تکنیکی استعمال کے لیے جائزہ لیا جا رہا ہے۔






