پاسداران انقلاب کا کہنا ہے کہ آبنائے ہرمز کے جنوب میں 2 آئل ٹینکرز سمندری بارودی سرنگوں سے ٹکرا گئے، جس کے نتیجے میں دونوں جہازوں میں شدید آگ بھڑک اٹھی۔
ایران کی پاسداران انقلاب کی بحریہ کی جانب سے جاری کردہ ایک بیان میں کہا گیا ہے کہ آبنائے ہرمز کے جنوبی حصے میں 2 آئل ٹینکرز سمندری بارودی سرنگوں سے ٹکرا گئے ہیں۔
بیان کے مطابق یہ دونوں بحری جہاز اپنے نیوی گیشن اور خودکار شناختی نظام کو بند کر کے ایک غیر مجاز راستے سے خفیہ طور پر اس آبی گزرگاہ سے گزرنے کی کوشش کر رہے تھے۔
ایرانی بحری فوج نے مزید بتایا کہ بارودی سرنگوں سے ٹکرانے کے باعث دونوں آئل ٹینکرز پر زوردار دھماکے ہوئے اور جہازوں میں بڑے پیمانے پر آگ لگ گئی۔






