یمنی سرکاری فوج نے کہا ہے کہ حوثی ملیشیا نے جنوبی شہر عدن پر 2 بیلسٹک میزائل داغے، حکومتی فورسز نے عسکریت پسند گروپ کے خلاف 723 کارروائیاں کی ہیں۔
یمن کی سرکاری فوج کے مطابق حوثی ملیشیا کی جانب سے ملک کے جنوبی شہر عدن کو نشانہ بناتے ہوئے 2 بیلسٹک میزائل فائر کیے گئے ہیں۔
سرکاری خبر رساں ایجنسی سبا کے مطابق فوج کے ترجمان ماجد النزیلی نے بتایا کہ ان میزائلوں کا ہدف حکومت کا عارضی دارالحکومت عدن تھا۔
دوسری طرف بیان کے مطابق سرکاری افواج نے حوثی عسکریت پسند گروپ کے خلاف 723 فضائی حملے اور زمینی کارروائیاں انجام دی ہیں، جس میں بڑی تعداد میں حوثی جنگجو ہلاک ہوگئے۔






