یمن کے حوثی گروپ نے دعویٰ کیا ہے کہ اس نے الجوف کی فضائی حدود میں کارروائی کرتے ہوئے سعودی عرب کا ایک مسلح جاسوس طیارہ مار گرایا۔
حوثی عسکری ترجمان یحییٰ سریع نے سماجی رابطے کی ویب سائٹ ایکس پر جاری ایک بیان میں کہا ہے کہ یمنی گروپ نے سعودی عرب سے تعلق رکھنے والے ایک مسلح جاسوس طیارے کو نشانہ بنا کر تباہ کر دیا۔
ترجمان نے بتایا کہ جاسوس طیارہ الجوف کی فضائی حدود میں معاندانہ کارروائیاں انجام دے رہا تھا۔ حالیہ کشیدگی کے آغاز سے اب تک یہ پانچواں طیارہ ہے، جسے حوثی فورسز نے مار گرایا ہے۔






